مدير حساب

الوظيفة باختصار

• المكانالرياض
• نوع الدوامدوام كامل، هجين
• الراتب والمزايامن 9 إلى 24 ألف ريال شهرياً + أسهم
• التقديمgeneral@nasam.co

عن نسم

نسم شريك نمو البراندات على الأسواق الإلكترونية. ندير بيعها على أمازون ونون وترينديول وسلة، وبنينا منصة نسم اللي تشتغل عليها تجارة البراند في كل قنواته: الطلبات، المخزون، التسعير، الشحن، والربحية من كشوف التسوية. يستخدمها فريقنا وفرق البراندات، وتتصل بوكلاء الذكاء الاصطناعي وأنظمة الشركاء. نشغّل اليوم أكثر من 20 براند على 12 قناة، ونسم من الشركات المسرّعة في inspireU من stc.

عن الوظيفة

أنت وجه نسم عند كل براند في محفظتك، والمسؤول عن نموه. تدير شغله في الأسواق: الإدراجات ومحتواها، والتسعير، والإعلانات، والمخزون، والطلبات. كل صباح تفتح منصة نسم وتشوف أرقامه: صحة البراند، والربحية، والمخزون، وتتصرف قبل ما يتراجع شي. البراند يشوف نفس المنصة، وشغلك قدامه يوم بيوم.

وش بتسوي

• تكون مسؤول عن محفظة براندات وأهدافها الشهرية، وتحط لكل براند خطة في كل قناة
• تدير إعلانات الأسواق، وتطلّع أعلى عائد من كل ريال ينصرف عليها
• تبني علاقة مع صاحب البراند وفريقه: يعرفونك وتعرف أولوياتهم
• تنتبه للتراجع قبل البراند نفسه: إدراج موقوف، Buy Box راح، مخزون قرّب يخلص، وتعالجه
• توصّل ملاحظات البراندات لفريق المنتج، وتقترح أدوات توفّر وقتك

وش ما بتسوي

• ترد على الرسائل وتنتظر التوجيه. أنت اللي تقترح على البراند خطوته الجاية
• توعد البراند بنتائج ما تقدر عليها عشان ترضيه

تناسبك إذا

• اشتغلت على أمازون أو نون أو غيرها، سواء كنت بايع أو تشتغل مع بايعين
• تقرأ الأرقام وتفهم وش وراها: الهامش، وعائد الإعلانات، ونسبة التحويل، وأيام المخزون
• تتكلم وتكتب بوضوح مع أصحاب البراندات، بالعربي والإنجليزي
• تحب تشوف أثر شغلك في الأرقام، وتتحمل المسؤولية لما تنزل

أول ثلاث شهور

1. 01الشهر الأول: تتعلم المنصة والأسواق، وتستلم أول براند
2. 02الشهر الثاني: تدير محفظتك كاملة، ولكل براند خطة نمو مكتوبة
3. 03الشهر الثالث: نمو واضح في أرقام برانداتك، وتحسين واحد على الأقل في طريقة شغل فريقنا