مهندس منتج
من أوائل مهندسي نسم. تبني منصة نسم اللي ندير منها بيع البراندات في كل الأسواق.
الوظيفة باختصار
- المكانالرياض
- نوع الدوامدوام كامل، هجين
- الراتب والمزايامن 9 إلى 24 ألف ريال شهرياً + أسهم
- التقديمgeneral@nasam.co
عن نسم
نسم شريك نمو البراندات على الأسواق الإلكترونية. ندير بيعها على أمازون ونون وترينديول وسلة، وبنينا منصة نسم اللي تشتغل عليها تجارة البراند في كل قنواته: الطلبات، المخزون، التسعير، الشحن، والربحية من كشوف التسوية. يستخدمها فريقنا وفرق البراندات، وتتصل بوكلاء الذكاء الاصطناعي وأنظمة الشركاء. نشغّل اليوم أكثر من 20 براند على 12 قناة، ونسم من الشركات المسرّعة في inspireU من stc.
عن الوظيفة
المهندس في نسم ما ينتظر المنتج والتصميم والتشغيل يخلصون، يشتغل معهم من البداية. أنت المسؤول عن المشكلة كاملة: تفهمها، وترسم الحل، وتصمم التجربة، وتبني النظام، وتطلقه، وتشوف وش غيّر. فريقنا وفرق البراندات يشتغلون على منصة نسم كل يوم في أمازون ونون ونمشي وترينديول وسلة وجاهز، ويوصل لها وكلاء الذكاء الاصطناعي عبر MCP، والشركاء عبر Nasam MM-API.
وش بتسوي
- تبني اللي يقول لفريقنا كل يوم: أي براند يحتاج تدخّل، ووين بالضبط
- تجمع بيانات الأسواق المتفرقة وتطلّع منها اللي يحتاج تصرّف بس
- تحوّل الشغل اليدوي في التشغيل إلى أنظمة وأتمتة، عشان يدير فريقنا براندات أكثر بنفس الجهد
- تربط أسواق وطرق توصيل جديدة، منها التوصيل السريع. والأسواق اللي ما عندها API تربطها بأتمتة بواباتها
- تجهّز المنصة للمواسم الكبيرة: رمضان، واليوم الوطني، والجمعة البيضاء
- تبني لوكلاء الذكاء الاصطناعي مثل ما تبني للناس: أدوات MCP وواجهة MM-API
وش ما بتسوي
- تستلم تذكرة جاهزة وتنفذها وأنت ما تدري ليش
- تختار الأسهل لك في الكود على حساب اللي يريح المستخدم
- تنتظر مصمم أو مدير منتج عشان تبدأ. الواجهة تبنيها وتطلقها بنفسك على نظام التصميم
كيف نقيس شغلك
بأثر ميزاتك على نمو البراندات، وعلى عدد البراندات اللي يقدر فريقنا يديرها. عدد التذاكر اللي تقفلها ما يدخل في الحساب.
تناسبك إذا
- أطلقت منتج يستخدمه ناس فعلاً، وتقدر توريّنا إياه
- متمكن من الواجهة والخلفية: NestJS وPostgreSQL وReact على AWS، أو سريع التعلم وعندك اللي يثبت هذا
- تفكر في شغل المستخدم والقرار اللي بياخذه قبل ما تفكر في الشاشات
- تسأل عن سياق الشغل قبل ما تبني، ويهمك تفهم كيف تشتغل الأسواق: Buy Box، وFBA، والعمولات، والتسويات
- تكتب بوضوح، وتوثّق قراراتك واللي تتعلمه عن المجال
- بنيت شي يستخدمه وكيل ذكاء اصطناعي، أو تعرف ليش البناء له يختلف
أول ثلاث شهور
- 01الشهر الأول: تجلس مع مدراء الحسابات، وتطلق أول ميزة لك
- 02الشهر الثاني: تكون مسؤول عن ربط سوق كامل أو جزء أساسي من المنصة، من البناء إلى الدعم
- 03الشهر الثالث: تضبط المتطلبات من فهمك للمجال، وتطلق شي ما طلبه أحد ويصير جزء من شغل المستخدمين اليومي
الوظائف المتاحة
مدير حساب (النمو)
تدير محفظة براندات على أمازون ونون وترينديول وغيرها، وأنت المسؤول عن نمو مبيعاتها.
مطوّر أعمال (الوصول للسوق)
تجيب لنسم عملاء جدد: تختار البراندات المناسبة، وتفتح معها الكلام، وتسلّم فرص جادة جاهزة للإغلاق.