مطوّر أعمال

الوظيفة باختصار

• المكانالرياض
• نوع الدوامدوام كامل، هجين
• الراتب والمزايامن 9 إلى 24 ألف ريال شهرياً + أسهم
• التقديمgeneral@nasam.co

عن نسم

نسم شريك نمو البراندات على الأسواق الإلكترونية. ندير بيعها على أمازون ونون وترينديول وسلة، وبنينا منصة نسم اللي تشتغل عليها تجارة البراند في كل قنواته: الطلبات، المخزون، التسعير، الشحن، والربحية من كشوف التسوية. يستخدمها فريقنا وفرق البراندات، وتتصل بوكلاء الذكاء الاصطناعي وأنظمة الشركاء. نشغّل اليوم أكثر من 20 براند على 12 قناة، ونسم من الشركات المسرّعة في inspireU من stc.

عن الوظيفة

عملاء نسم براندات مبيعاتها من 3 إلى 50 مليون ريال في السنة، على سلة أو زد أو الأسواق، وتبي تكبر فيها. شغلك توصل لهم: تحدد مين يناسبنا ومين لا، وتبدأ الكلام من سبب حقيقي، وتفهم وضع البراند، وتحوّل المحادثة لفرصة جادة. تحضر الإغلاق مع المؤسس، وتنقل لفريقنا وش تسمع من البراندات: وش يحتاجون، ووش يمنعهم يشتغلون معنا.

وش بتسوي

• تحدد العميل المناسب بالأرقام: حجمه، وفئته، وقنواته الحالية، وفرصته في كل سوق
• تتواصل مع براندات عندها سبب تسمع منك: ثبّتت تطبيق نسم على سلة أو متجر تطبيقات أمازون، أو تقرأ مدونتنا أو نشرتنا، أو أحالها لنا عميل
• تبني شراكات تجيب براندات: الأسواق نفسها، وشركات الشحن والتخزين، والوكالات، والمسرّعات
• تراسل براندات ما تعرفنا بالطريقة الصح: قائمة صغيرة مختارة، ورسالة فيها رقم يخص البراند نفسه
• تتأكد إن كل فرصة جادة قبل ما تسلّمها، وتحضر الاجتماعات مع المؤسس لين تنقفل الصفقة
• تكتب دليل البيع اللي يمشي عليه فريقنا بعدك: الرسائل اللي نجحت، والاعتراضات وردودها

وش ما بتسوي

• ترسل رسائل جماعية لقوائم مشتراة
• تجيب براندات ما تناسبنا، أو تنزّل السعر عشان تقفل صفقة

تناسبك إذا

• بعت لأصحاب شركات أو مدراء تجارة إلكترونية، أو عندك علاقات معهم
• تعرف البراندات المحلية ومين المؤثر فيها، أو تقدر تعرفهم بسرعة
• تقرأ أرقام البراند وتعرف وين فرصته قبل أول اجتماع
• تصنع الفرصة بنفسك، وتسمع أكثر مما تتكلم

أول ثلاث شهور

1. 01الشهر الأول: تفهم نسم وعملاءها ومنصتها، وتكتب وصف العميل المناسب وأول قائمة
2. 02الشهر الثاني: محادثات كل أسبوع مع براندات، وأول فرص جادة
3. 03الشهر الثالث: قناة تجيب فرص باستمرار، والأرقام تثبت ذلك